Jes 6 - Here am I, Send me…
Wat het die profeet Jesaja aanleiding gegee tot
hierdie reaksie?
- Jesaja se eerste woorde was EK het die Here gesien.
- Daar was ‘n ontmoeting waar hy God se hart opgetel het en waar hy sy ware identiteit ontdek het.
Hy sien God op die troon
Jes 6:1 Sy troon was hoog en verhewe, en die soom van
sy kleed het die tempel gevul.
Hy sien God as Koning en as daar ‘n koning is, is daar
‘n koninkryk.
Die eerste onderwerp waaroor Jesus preek is die
aankondig van Sy koninkryk.
Matt 4: 17 “Van
toe af het Jesus begin om God se boodskap aan te kondig met die woorde: “Kom
tot inkeer! God se koningsheerskappy gaan nou enige oomblik begin!”
Die koninkryk van die hemel moet gestalte kry op
aarde.
Van uit hierdie aankondig het
Jesus sy Dissipels gekies om hom te volg. Hy het hulle opgelei om die koninkryk van God op
aarde te kom vestig.
Matt 4: 19-20
“Daarop sê Hy vir hulle: “Kom! Word my dissipels, en Ek sal julle
vissers van mense maak. Dadelik het hulle hulle nette gelos en Jesus se
dissipels geword.”
Die Berg predikasie Matt 5, 6,7.
Direk na die verkiesing van die Dissipels kry jy die
beste Dissipelskapskursus. Dit staan bekend as die bergpredikasie. Dit is hier waar
Jesus ons leer om volgens nuwe koninkryk beginsels te leef.
Die kern tema van die bergpredikasie is die volgende
vers:
Matt 6: 33 “Nee, maak die koningsheerskappy van God en
dit wat voor Hom reg is, julle prioriteit; dan sal God vir julle al hierdie
ander dinge byvoeg.”
Ons leef nie net volgens die nuwe koninkryk beginsels
nie, maar neem verantwoordelikheid op om dit uit te brei op aarde.
Waar daar:
- nie liefde is, liefde te vestig;
- hartseer is, troos en blydskap te bring;
- ‘n gebrek aan integriteit is, eerlikheid te bring.
Jesaja sien ‘n eindprentjie – ‘n Visie om na te jaag.
Jes 6: 3 “Hulle het mekaar toegeroep: “Heilig, heilig,
heilig is die Here, die Almagtige! Die hele aarde is vol van Sy heerlikheid!”
Die Hebreeus vir Heerlikheid is Kavod – Die openbaring
van God se teenwoordigheid.
Die Here wil Sy koninkryk orals op aarde laat
uitdrukking kry.
Mense moet kan uitroep: “Dit is hier!”
Jesaja ervaar die roeping om ‘n ambassadeur van God se
koninkryk te wees.
Sy eerste reaksie op hierdie opdrag was: “Ek voel
onwaardig, die Here kan my nie gebruik nie.”
Jes 6: 5 “Ek het hard geroep: “Ellende het my getref!
Want ek is ’n sondige mens, tussen ander sondige mense. En tog het ek die
Koning, die Here, die Almagtige, gesien!”
- EK leef nog nie heeltemal op standaard nie.
- Ek het nie genoeg kennis nie.
- Ek het nie ervaring nie.
- Ek kan nie voor mense praat nie, wat nog van bid.
God wil hê jy moet hom raaksien en jouself in Hom
ontdek.
Jes 6:1 “Sy
troon was hoog en verhewe, en die soom van sy kleed het die tempel gevul.”
Ons is die tempel van God en Sy teenwoordigheid vul
ons lewe
Kom tot die ontdekking wie jy regtig is
Jes 6: 6-7 “Toe
het een van die serafs na die altaar toe gevlieg en ’n gloeiende kool met ’n
tang opgetel. Hy het my lippe daarmee aangeraak en gesê: “Kyk, hierdie kool het
jou lippe aangeraak. Nou is jou skuld weg en jou sondes vergewe.”
- Ontdek jou ware DNA – Jy is geskape om ‘n verskil te maak. Doen dit nie en jy ervaar nie volheidslewe nie.
- Ontdek die potensiaal van God in jou. Wysheid, raad, hoop.
In Christus het jy dit.
Ons maak nie verskil omdat ons moet nie, omdat ons ons
gewete wil sus nie, maar omdat dit is wie ek in my diepste wese is.
Toe Jesaja homself in God ontdek en God vra wie kan ek
stuur. Was sy antwoord:
Jes 6: 8 “Toe
het ek die Here hoor vra:
“Wie kan Ek met ’n boodskap
na my volk toe stuur?
Wie sal vir Ons gaan?”
Ek het geantwoord:
“Here, ek sal gaan!
Stuur my!”
Lewenslesse
- As jy opsoek is om die Kavod (beleefbare heerlikheid van God) te ervaar. Leef jou skeppingsdoel uit deur God se Koningsheerskappy te vestig.
- Sien jouself as reeds gestuur (sent)
- Dus moenie wag vir ‘n opdrag nie, as gestuurde stap eenvoudig in omgewings in waar God sy Koningsheerskappy wil laat ervaar.
to those who need our care. -- Henri Nouwen
No comments:
Post a Comment